Nakakalula ang taas ng ere
Kaya di ako mapakali
Hinahalukay kasi
Bitukang dilis
Di sanay kasi
Sa imported
Na chocolate.

Nakakalula kaya natutulala
Lulon ang dila
Kaharap kasi banyaga
Pilit ginagaya
Slang ng kano
Slang ng Briton
Nakakapikon

Nakakalula luwa ang mata
Sa upuang di kanya
Pinahiram lang ng madla
Ayaw ng umalagwa
Marami kasing pera
Naibubulsa
Napakatimawa

Nakakalula nakakasuya
Paulit-ulit na istorya
Sa dami ng medalya
Na kanyang nakuha
Ipinamumukha
Ang kaharap tanga

Nakakalula nakakasawa
Mukha kasing mulala
Sa letrang 'la kuwenta
Pintang kinopya
Masabi lang na bida
At matanggap ng masa.