Artist Club
INGAY NI IBONG TARAT
(by Rey r. Lorenzo  2/2/2009)

Magkakamot ka ng ulo sa ibong tarat
Maaga pa lang talak na ng talak
Dinaig pa nga niya ang alagang katyaw
Na namaus na sa kapuputak.

Daming ingay wala naman binatbat
Puro daldal wala naman maipakita.
Kapag nakasama akala mo alam lahat
Kapag gumawa naman laging silat.

Ibong tarat walang sawa sa kantiyaw
Di pa man sikat hulog na sa kalabaw.
Mapagpuna ang mga mata kaya lahat nakikita
Pero nakalimutan namang tanggalin ang muta.

Laki ng ulo kapag napupuri
Astang bilib ng bilib sa sarili.
Ngunit tulad niya'y lobo na walang asogi
Di makalipad at bagsak lagi sa isang tabi.

Sayang naman kung di pakikinggan
Kahit papano nakakatulong naman
Upang gawin ng maganda ang puna
Ng isang tarat sa kawayan.












































See more Literary
Samahang Makasining (Artist Club), Inc.
Artist Club of the Philippines
email: info@makasining.org

Copyright 2007 Samahang Makasining (Artist Club), Inc.

Powered by AACC