Ang pagiging matapat
ay kabutihang-ugali
na dapat nating isapuso;
kaya tulad ng susô
na ngumangatngat ng dahon,
siya, na ulo ng CHED,
ay nanahimik upang magturo
sa pamamagitan ng gawa
at hindi ng ngawa --
ipinid ang bibig
upang karera`y di mapatid
Ang pagiging matapat
ay kabutihang-asal
na dapat nating isabuhay;
kaya tulad ng susô
na pinalukot ng asin,
sumukot si neri, inilubog ang ulo
sa laylayan ng saya ng kanyang hepe --
siya, na bungangang umaalingasaw
sa hello garci at I am sorry
|