Artist Club
Alaala ng luwad at tapuy
(by Emmanuel V. Dumlao  1/5/2008)

Habang hinahawi
ng sinasakyan kong traysikel
ang halumigmig na nakakumot
sa bulubundukin ng Ifugao,

kinawayan ako
ng mga ilap na Mirasol
na nakatunghay sa bangin.

at hinagkan ang aking batok
ng minsan nating pagdadaop-palad
sa Banaue – noong gabing

nilasing ako ng luwad mong dibdib
at ng tapuy sa iyong hininga’t titig.




See more Literary
Samahang Makasining (Artist Club), Inc.
Artist Club of the Philippines
email: info@makasining.org

Copyright 2007 Samahang Makasining (Artist Club), Inc.

Powered by AACC