Artist Club
PARA SA TAGA-PAGTATAG NI EYSI (Rexie)
(by Elito V. Circa (may 14, 2005)  5/12/2005)

Marikit, nag-aapoy na diwa ng panahon
Init na tumutulak sa sugo ni apo-sining
Na wala sa hinagap kung saan hahantong
Ang punlang itinanim ngayo’y gintong maituturing

Maalab na mithiing iangat ang sining
Ng Nangulilang punla, luha ang puhunan
Maalab na puso, bukas-palad sa makasining
Sa gitna ng ilog-pawis, doo’y pinaggantimpalan

May puwang ang sinag, ang sigla at ang hagikhik
Lalo’t sugo ni apo-sining ay muling nagbabalik
Palad sa palad, dibdib sa dibdib
        na pinagtakasan ng pananabik
ngayo’y nakabukas sa muling paghahasik





See more Literary
Samahang Makasining (Artist Club), Inc.
Artist Club of the Philippines
email: info@makasining.org

Copyright 2007 Samahang Makasining (Artist Club), Inc.

Powered by AACC